102-ամյա ճապոնացին ինքնասպան է եղել Ֆուկուսիմայի պատճառով

Ճապոնական Ֆուկուսիմա պրեֆեկտուրայի բնակիչը, ում հայրենի գյուղում ճառագայթման բարձր մակարդակ է գրանցվել, ինքնասպան է եղել, հաղորդում է AFP գործակալությունը: Տղամարդը 102 տարեկան էր:

Ինքնասպան եղած բնակչի հայրենի Իտատա գյուղը գտնվում է «Ֆուկուսիմա-1» ԱԷԿ-ից 39 կմ հեռավորության վրա, որտեղ ճառագայթման  մակարդակ շատ բարձր է:

Տարեց ճապոնացու ընտանիքում քննարկվել է գյուղը լքելու հարցը, սակայն, ինչպես նշում է գործակալությունը, Իտատայի ամենատարեց բնակչին դուր չի եկել հայրենի տունը լքելու գաղափաը: Խոսակցությունից հետո տղամարդը ինքնասպան է եղել: