ՏԵՍԱՆՅՈՒԹ. Ճապոնիայում գնացքի ու ինքնաթիռի հիբրին են ստեղծել

Ճապոնիայում գերարագ շարժիչ են ստեղծել, որը, շնորհիվ թևերի և պրոպելերի, գրեթե թռչում է ճանապարհի վրա: Փաստորեն, այն գնացքի և ինքնաթիռի հիբրիդ է: Տոխոկու համալսարանի գիտնականների հայտնագործությունն օդային բարձիկների շնորհիվ սահում է գետնից ոչ շատ բարձր հեռավորության վրա, գրում է The Daily Mail-ը:

Քանի որ օբյեկտը երկրային առարկաներին չի հպվում, այսինքն արագությունը դանդաղեցնող շփման չի ենթարկվում, այդ իսկ պատճառով ի վիճակի է նվազագույն էներգիայի ծախսման դեպքում բարձր արագություն զարգացնել: Սակայն թևերի առկայության պատճառով, այն հակված է տարածության մեջ իր դիրքը մշտապես փոփոխելուն, ինչպես նաև տատանումների, ինչը անթույլատրելի է: Մեքենայի ստորին մասը պետք է խիստ զուգահեռ լինի հողին: