Ստամբուլում պայթյուն է տեղի ունեցել. կան վիրավորներ

Ստամբուլի Էթիլեր շրջանում տեղի ժամանակով 09:00-ին ավտոբուսի կանգառում` Կոչ կամրջի տակ, պայթյուն է տեղի ունեցել: Ինչպես հայտնում է CNN Türk-ը, համաձայն նախնական տեղեկատվության, միջադեպի հետևանքով 7-8 մարդ վնասվածք է ստացել:

Պայթյունի վայր են ժամանել ոստիկանության աշխատակիցներն ու շտապօգնության մեքենաները: Երկրորդ պայթյունի հնարավորության պատճառով տարածքը ազատել են մարդկանցից: Համաձայն ստացված տվյալների` միջադեպի պատճառը  աղմկային գլանիկի պայթյունն է եղել: