Ժամը 20:30-ի դրությամբ ազատ է արձակվել 117 բանտարկյալ

Հայաստանի Հանրապետության արդարադատության նախարարության քրեակատարողական ծառայությունում ս.թ. մայիսի 27-ից սկսվել է Հայաստանի Հանրապետության անկախության հռչակման 20-րդ տարեդարձի կապակցությամբ հայտարարված համաներմամբ դատապարտյալներին ազատ արձակելու գործընթացը:

Մայիսի 27-ին, ժամը 20:30-ի դրությամբ, ՀՀ ԱՆ քրեակատարողական հիմնարկներից ազատ են արձակվել թվով 117 դատապարտյալ, հայտնում է Հայաստանի Հանրապետության արդարադատության նախարարության քրեակատարողական վարչության հասարակայնության հետ կապերի բաժանմունքի պետ Արսեն Բաբայանը:

Համաներմամբ ազատ արձակված դատապարտյալների քանակը ներկայացվում է ըստ քրեակատարողական հիմնարկների.

«Նուբարաշեն» – 27

«Էրեբունի» – 5

«Վարդաշեն» – 23

«Դատապարտյալների հիվանդանոց» – 14

«Երևան Կենտրոն» – 0

«Արթիկ» – 6

«Վանաձոր» – 5

«Սևան» – 15

«Հրազդան» – 0

«Աբովյան» – 1

«Գորիս» -1 1

«Կոշ» – 10

Համաներմամբ դատապարտյալների ազատ արձակման գործընթացը շարունակվում է: