Epress.am Լուրեր Հայաստանից
Երեկ ավստրիական Բադ Տատցմանսդորֆ քաղաքում Դոնեցկի «Մետալուրգը» պայմանագիր է կնքել Հայաստանի հավաքականի երկու ֆուտբոլիստների` Մարկոս Պիզելիի և Գևորգ Ղազարյանի հետ: Նշենք, որ Ավստրիայում ուկրաինական ակումբն ուսումնամարզական հավաք է անցկացնում:
«Մետալուրգի» մարզական տնօրեն Վարդան Իսրայելյանը հաղորդել է ակումբի պաշտոնական կայքին, որ պայմանագրերը կնքվել են 3 տարով:
Վաղը «Մետալուրգը» հանդիպելու է հունգարական «Ույպեշտի» հետ: Իսրայելյանի խոսքով` հայաստանցի ֆուտբոլիստները կմասնակցեն այդ հանդիպմանը:
Հիշեցնենք, որ ուկրաինական ակումբում հանդես է գալիս Հայաստանի հավաքականի մեկ այլ ֆուտբոլիստ` Կառլեն Մկրտչյանը: