Epress.am Լուրեր Հայաստանից
Մինչ 1992 թվականը Լեռնային Ղարաբաղում ապրած հայերը և նրանց երեխաները կարող են անձնագիր ստանալ և դառնալ Ադրբեջանի քաղաքացի: Այս մասին լրագրողներին հայտնել է «Լեռնային Ղարաբաղի ադրբեջանական համայնք» հասարակական միության ղեկավար Բայրամ Սաֆարովը:
«Եթե ի սկզբանե Լեռնային Ղարաբաղում ապրած հայերը հարգանքով վերաբերվեն ադրբեջանական օրենքներին, նրանք նույնպես կկարողանան դառնալ Ադրբեջանի քաղաքացիներ: Ես վստահ եմ, որ հասարակ հայերը սպասում են այն օրվան, երբ մենք այնտեղ կվերադառնանք»,- ասել է Սաֆարովը:
Սաֆարովը կոչ է արել հայերին, ովքեր երբևէ Ադրբեջանի քաղաքացի են եղել, սատարել Իլհամ Ալիևի քաղաքականությանը: