Երևան ժամանող ինքնաթիռում ուղևոր է մահացել

Oգոստոսի 11-ին, ժամը 02.10-ին, ոստիկանության «Զվարթնոց» օդանավակայանի գծային բաժնում հաղորդում է ստացվել, որ Սամարա-Երևան չվերթի ինքնաթիռում, վայրէջք կատարելուց 15 րոպե առաջ, ուղևոր է մահացել:

Մեկնած օպերատիվ խումբը պարզել է, որ նույն օրը, ժամը 01.50-ի սահմաններում, վերը նշված չվերթի ինքնաթիռի սրահում մահացել է ՌԴ քաղաքացի, 50-ամյա Պավել Վանյանը, որը տառապում էր օնկոլոգիական հիվանդությամբ և տեղափոխվում էր Երևան եղբոր ուղեկցությամբ, հաղորդում է ոստիկանության լրատվական բաժինը: