Epress.am Լուրեր Հայաստանից
Հայաստանի Պետական եկամուտների կոմիտեն հերքել է մամուլում այսօր տարածված լուրերը, համաձայն որոնց ՊԵԿ նախագահ Գագիկ Խաչատրյանը հրաժարական է տվել:
Այսօր «Հայկական ժամանակ» օրաթերթը, հղում կատարելով նախագահականի մոտ կանգնած աղբյուրներին, գրել էր, որ Խաչատրյանի պաշտոնանկության հրամանագիրը երեկ երեկոյան դրվել է Սերժ Սարգսյանի սեղանին:
«Բնականաբար, բոլոր այդպիսի հրապարակումները իրականության հետ առնչություն չունեն. համակարգը շարունակում է բնականոն գործունեությունն իր առջև դրված խնդիրների կատարման ուղղությամբ», – ասված է ՊԵԿ տարածած հաղորդագրության մեջ: