Հենրիխ Մխիթարյանի ակումբը՝ Չեմպիոնների Լիգայի ամենաթույլ խմբում

Հայաստանի հավաքականի կիսապաշտպան Հենրիխ Մխիթարյանի ակումբը՝ Դոնեցկի «Շախտյորը», հայտնվել է Չեմպիոնների Լիգայի ամենաթույլ խմբում:

Րոպեներ առաջ Մոնակոյում ավարտված «Չեմպիոնների Լիգայի խմբային մրցաշարի վիճակահանության արդյունքում պարզ է դարձել, որ «Շախտյորը» մրցելու է պորտուգալական «Պորտուի», Ռուսաստանի «Զենիթի» և Կիպրոսի ԱՊՈԵԼ-ի հետ:

«Շախտյորին», փաստորեն, բաժին չհասավ և ոչ մի գերակումբ: Մասնագետների գնահատմամբ Մխիթարյանի թիմի հիմնական մրցակիցը կլինի ՈՒԵՖԱ-ի գավաթի գործող չեմպիոն «Պորտուն», որը վաճառել է իր առաջատար հարձակվող Ռադամել Ֆալկաոյին:

Հայազգի ֆուտբոլիստ Արազ Օզբիլիսի «Այաքսը» ընդհակառակը հայտնվել է շատ ուժեղ խմբում՝ Լիոնի «Օլիմպիկի», Մադրիդի «Ռեալի» և Զագրեբի «Դինամոյի» հետ:

Չեմպիոնների Լիգայի գործող չեմպիոնը՝ «Բարսելոնան», հանդիպելու է իտալական «Միլանի», Բելառուսի ԲԱՏԵ-ի և Չեխիայի «Վիկտորիայի» հետ: Առաջին հայացքից այս խմբում հաջորդ փուլ դուրս գալու համար լուրջ պայքար չպետք է ծավալվի. ակնհայտ ֆավորիտներն են «Բարսան» և «Միլանը»:

A խումբ

Բավարիա (Գերմանիա)

Վիլյառեալ (Իսպանիա)

Մանչեսթեր Սիթի (Անգլիա)

Նապոլի (Իտալիա)

B Խումբ

Ինտեր (Իտալիա)

ԲԿՄԱ (Ռուսաստան)

Լիլ (Ֆրանսիա)

Տրաբզոնսպոր (Թուրքիա)

C խումբ

Մանչեսթեր Յունայթեդ (Անգլիա)

Բենֆիկա (Պորտուգալիա)

Բազել (Շվեյցարիա)

Օցելուլ (Ռումինիա)

D Խումբ

Ռեալ (Իսպանիա)

Օլիմպիկ Լիոն (Ֆրանսիա)

Այաքս (Հոլանդիա)

Դինամո Զագրեբ (Խորվաթիա)

E խումբ

Չելսի (Անգլիա)

Վալենսիա (Իսպանիա)

Բայեր (Գերմանիա)

Գենկ (Բելգիա)

F խումբ

Արսենալ (Անգլիա)

Օլիմպիկ Մարսել (Ֆրանսիա)

Օլիմպիակոս (Հունաստան)

Բորուսիա (Գերմանիա)

G խումբ

Պորտու (Պորտուգալիա)

Շախտյոր (Ուկրաինա)

Զենիթ (Ռուսաստան)

ԱՊՈԵԼ (Կիպրոս)

H խումբ

Բարսելոնա (Իսպանիա)

Միլան (Իտալիա)

ԲԱՏԵ (Բելառուս)

Վիկտորիա (Չեխիա)