Սթիվ Ջոբսին որդեգրել էր ազգությամբ հայ կինը

Շուտով կհրատարակվի Apple ընկերության գլխավոր գործադիր տնօրեն Սթիվ Ջոբսի կյանքի մասին պատմող առաջին գիրքը, որի հեղինակն է The Times-i նախկին խմբագիր Ուոլթեր Այզեկսոնը, հաղորդում է khabararmani.com-ը:

Մինչ վերջերս Ջոբսն իր կենսագրության մասին տեղեկությունները գաղտնի էր պահում` խնդրելով ուրիշներին չխառնվել իր անձնական կյանքին:

Առողջական խնդիրների պատճառով աշխատանքից հեռանալիս Ջոբսը հաղորդագրություն էր թողել իր աշխատողներին` խնդրելով նրանց չանհանգստացնել իր ընտանիքին և իրեն:

Գրքի բովանդակությունը դեռևս հայտնի չէ հանրությանը: Սակայն, ինչպես հաղորդում է կայքը, գրքի հեղինակը խոսել է Ջոբսի ընտանիքի անդամների և գործընկերների հետ:

Սթիվ Ջոբսը ծնվել է 1955 թվականին Կալիֆոռնիայում: Նրա կենսաբանական ծնողները Սիրիայից ներգաղթյալներ են եղել: Բայց լույս աշխարհ գալուց մեկ շաբաթ անց Ջոբսին որդեգրել են ազգությամբ հայ Կլարա (Clair) Հակոբյանը և ամերիկացի Փոլ Ջոբսերը:

Ջոբսը նշել է, որ միշտ նրանց է համարել իր իսկական ծնողներ: