Պաշտոնական. Գասպարյանը` ոստիկանապետ, Սարգսյանը` խորհրդական

ՀՀ նախագահ Սերժ Սարգսյանի այսօրվա հրամանագրերով Ալիկ Սարգսյանն ազատվել է Հայաստանի Հանրապետության կառավա­րու­թյանն առընթեր Հայաստանի Հանրապետության ոստիկանության պետի պաշ­տո­նից և նշանակվել Հայաuտանի Հանրապետության նախա­գահի խորհրդական:

Սերժ Սարգսյանի այլ հրամանագրերով գեներալ-լեյտենանտ Վլադիմիր Գասպարյանն ազատվել է Հայաստանի Հան­րա­­պե­տու­թյան պաշտպանության նախարարի տեղակալի պաշ­տո­նից և նշանակվել Հայաստանի Հանրապետության կա­ռա­վա­րու­թյանն առընթեր Հայաստանի Հանրապետության ոստիկանության պետ:

Վլադիմիր Գասպարյանը ծնվել է 1958թ. սեպտեմբերի 9-ին  Էստոնիայի Հանրապետության Տալլին քաղաքում: ՀՀ զինված ուժերում է 1997 թվականից: 1997թ. ՀՀ պաշտպանության նախարարի հրամանով նշանակվել է ՀՀ ՊՆ ռազմական ոստիկանության վարչության պետ: 2001թ ՀՀ նախագահի հրամանագրով նրան շնորհվել է գեներալ-մայոր զինվորական կոչում:

2010թ. ՀՀ նախագահի հոկտեմբերի 2-ի հրամանագրով նշանակվել է ՀՀ պաշտպանության նախարարի տեղակալ: 2011թ. ՀՀ նախագահի սեպտեմբերի 3-ի հրամանագրով Գասպարյանին շնորհվել է «գեներալ-լեյտենանտ» զինվորական կոչում:

Վլադիմիր Գասպարյանը պարգևատրվել է «Մարշալ Բաղրամյան», «Արիության», «Դրաստամատ Կանայան», «Վազգեն Սարգսյան», «Համագործակցության ամրապնդման համար», «Անբասիր ծառայության համար» և «Հայրենիքին մատուցած ծառայությունների համար» 2-րդ աստիճանի մեդալներով:

Նա ամուսնացած է, ունի 4 երեխա: