Հայաստանում հասարակական նախաձեռնություն է ստեղծվել, որի անդամները դեմ են «Հրազդան» մարզադաշտի տարածքում նոր առևտրային կենտորնի կառուցման ծրագրին:

Հիշեցնեք, որ այդ ատևտրային գոտու կառուցման թույլտվությունը «Հրազդան մարզահամալիր վարձակալական ձեռնարկություն» ՓԲԸ-ին տրվել է Երևանի նախկին քաղաքապետ Կարեն Կարապետյանի կողմից:

Այս նախագծին դեմ արտահայտվող քաղաքցիական կազմակերպությունները` Երևանի Օրհուսի կենտրոնը, Ճարտարապետների միությունը  և մի քանի այլ ՀԿ-ներ ու նախաձեռնություներ, մտահոգություն են հայտնում, որ առևտրի կենտրոնի կառուցումը կխոչընդոտի մարզադաշտի տարածքում անվտանգության ապահովմանը:

«Տարհանման գոտու գոյությունն անհրաժեշտ է, քանի որ դրա բացակայության դեպքում անհնար կլինի մեծ միջոցառումների ժամանակ մարդկանց ապահով դուրս բերել մարզադաշտից արտակարգ իրավիճակների դեպքում», – մեզ հետ զրույցում իր հիմնավորումները ներկայացրեց հասարակական նախաձեռնության կազմակերպիչ Երևանի Օրհուս կենտրոնի համակարգող Սիլվա Այվազյանը:

Նա նաև հիշեցրեց, որ «Հրազդան» մարզադաշտը համարվում է քաղաքի պատմամշակութային կառույցներից մեկը և ունի ռազմավարական նշանակություն:

Այսօր ժամը 15:00-ին Օրհուս կենտրոնում տեղի կունենա քննարկում մարզադաշտի կից տարածքում առևտրի կենտրոնի կառուցման ծրագրի առնչությամբ: Քննարկմանը հրավիրված են մասնկացելու Երևանի քաղաքապետարանի, ՀՀ Մշակույթի, Քաղաքաշինության, Արտակարգ իրավիճակների, Բնապահպանության նախարարությունների, ՀԿ-ների, Հայաստանի ֆուտբոլի ֆեդերացիայի, ԶԼՄ-ների, Ճարտարապետների միության ներկայացուցիչներ:

Լուսանկարը` hetq.am