Հայաստանում առայժմ չեն հաստատել Նալբանդյան-Մամեդյարով հանդիպման մասին տեղեկատվությունը

ՀՀ արտգործնախարար Էդվարդ Նալբանդյանը դեկտեմբերի 6-7-ին Վիլնյուսում կհանդիպի իր ադրբեջանցի գործընկեր Էլմար Մամեդյարովի հետ, հայտնում է ԱՊԱ գործակալությունը` հղում կատարելով իր աղբյուրին:

Վերջինիս փոխանցմամբ` առաջիկա  հանդիպումը տեղի կունենա Լիտվայի մայրաքաղաքում ԵԱՀԿ երկրների նախարարների խորհրդի նիստի շրջանակներում:

Գործակալության տեղեկություններով` հանդիպմանը նաև կմասնակցեն Լեռնային Ղարաբաղի հարցով ԵԱՀԿ  Մինսկի խմբի համանախագահներ  Ռոբերտ Բրադտկեն (ԱՄՆ), Իգոր Պոպովը (Ռուսաստան) և Ժակ Ֆորը (Ֆրանսիա):

Հայաստանի ԱԳՆ-ն առայժմ չի հաստատում այս տեղեկատվությունը: