Զոհված զինվորի գործով վկան ժամանակին չի զորացրվել. Նախարարը խոստացել է զբավել

Շենգավիթի ընդհանուր իրավասության դատարանում այսօր շարունակվել  է 2010 թվականի հուլիսի 27-ին Տավուշի մարզի «Մեհրաբ» զորամասում զոհված լեյտենանտ Արտակ Նազարյանի գործով արտագնա դատական նիստը: Այսօրվա նիստի ժամանակ հարցաքննության են բերել գործով անցնող վկա Արման Մնացականյանին, ով ծառայում է Ռազմական ոստիկանությունում, իսկ ժամանակին ծառայել է այն զորամասում, որտեղ ծառայել է Արտակ Նազարյանը:

Դեկտեմբրի 4-ին Մնացականյանը պետք է զորացրվեր, սակայն դա տեղի չունեցավ: Տուժողի իրավահաջորդի ներկայացուցիչ Ռուբեն Մարտիրոսյանը` Հելսինկյան ասոցիացիայից, և տուժողի մայրը՝ Հասմիկ Հովհաննիսյանը, այսօր հանդիպել են ՀՀ պաշտպանության նախարարի հետ և տեղեկացրել, որ Մնացականյանըդեռ չի զորացրվել: Սեյրան Օհանյանը խոստացել է  զբաղվել այդ հարցով:

Մինչ Մնացականյանին կհարցաքննեին, Մարտիորսյանը հետաքրքրվել է, թե ով է վարձել նրա փաստաբանին, քանի որ անցյալ դատական նիստին Մնացականյանը փաստաբան չի ունեցել, և դատվորն ասել էր, որ նրան հանրային պաշտպան կտրաամդրեն: Պարզվել է, որ նա Փաստաբանների պալատի անդամ է: Դատվորը հայտարարել է, թե իրեն չի հետաքրքրում` ով է վարձել Մնացականյանի պաշտպանին:

Մարտիորսյանը սա համարել է  դատավորի կողմից կողմնակալ քայլ և ինքնաբացարկի միջնորդություն է հայտնել նրան, որը դատավորը մերժել է:

Այնուհետև  տուժողի իրավահաջորդի փաստաբան Մուշեղ Շուշանյանը  միջնորդել է  Մնացականյանին հարցաքննել զորացրվելուց հետո, որին միացել են բոլոր ամբաստանյալների պաշտպանները, սակայն առաջարկը մերժվել է:

Գործով անցնող մեղադրյալ Հակոբ Մանուկյանի փաստաբան Հրանտ Գևորգյանը ինքնաբացարկի միջնորդություն է  հայտնել մեղադրող դատախազ  Հարություն Հարությունայնին` թերի քննություն կատարելու համար: Իսկ Ռուբեն Մարտիորսյանը, միանալով այդ միջնորդությանը, ավելացրել է, որ գործով անցնող վկա Արթուր Մկրտչյանի այն դիմումը, որում նա նշել է, որ իր նախաքննական ցուցմունքն իրենից կորզել են` Ռազմական ոստիկանությունում իրեն ծեծելով, չի համապատասխանում իրականությանը, կորել է գործի նյութերից: Այս միջնորդության որոշումը կհրապարակվի վաղը` ժամը 14.00: