Թուրքիան Փարիզից հետ է կանչել իր դեսպանին

Թուրքիան հետ է կանչել Փարիզում գտնվող իր դեսպանին այն բանից հետո, երբ այսօր Ֆրանսիայի խորհրդարանն ընդունել է Հայոց Ցեղասպանության ժխտումը քրեականացնող օրինագիծը, հայտնում է Today’s  Zaman-ը:

Թուրք դեսպան Թահսին Բուրջուօղլուն խորհրդակցությունների համար Անկարա է կանչվել անորոշ ժամանակով:

Նշենք, որ ավելի վաղ Թուրքիան սպառնացել էր Ֆրանսիայի հետ խզել դիվանագիտական հարաբերությունները և տնտեսական պատժամիջոցներ կիրառել Ցեղասպանության վերաբերյալ օրինագծի ընդունման դեպքում:

Հիշեցնենք, որ մոտ երկու ժամ առաջ Ֆրանսիայի Ազգային ժողովի ստորին պալատը ձայների ճնշող մեծամասնությամբ ընդունել է ցեղասպանությունների ժխտումը քրեականացնող օրինագիծը: