Օրական մեկ նրբերշիկը «լուռ մարդասպան» համարվող քաղցկեղ է առաջացնում

Օրական մեկ նրբերշիկ կամ երկու կտոր խոզապուխտ ուտելը կարող է հանգեցնել ենթաստամոքսային գեղձի քաղցկեղի, հայտնում է Daily Mail-ը:

Շվեդացի գիտնականները պարզել են, որ անգամ համամետաբար քիչ քանակությամբ մշակված միս օգտագործելու դեպքում այս մահացու հիվանդության զարգացման հավանականությունը էապես աճում է:

Ենթաստամոքսային գեղձի քաղցկեղը հաճախ անվանում են «լուռ մարդասպան», քանի որ սովորաբար հիվանդության ախտանիշները  ի հայտ չեն  գալիս նախնական փուլում:

Եվ եթե անգամ ախտանիշեր կան, դրանք շատ համընդհանուր բնույթ են կրում, ինչպես օրինակ մեջքի ցավերը, ախորժակի կորուստը, քաշի նվազեցումը:

Ըստ գիտնականների` օրական 50գրամ մշակված միս ուտելը բարձրացնում է քաղցկեղով հիվանդանալու հնարավորությունը 19 տոկոսով: