Մահացել է դերասան Եվգենի Ժարիկովը

Երկարատև հիվանդությունից հետո այսօր կյանքի 71-րդ տարում մահացել է հայտնի խորհրդային և ռուսաստանյան դերասան Եվգենի Ժարիկովը, հայտնում է «Ինտերֆաքսը»:

«Ժարիկովը քաղցկեղով էր տառապում, վերջին շրջանում գտնվում էր Բոտնկինսկի հիվանդանոցում` բժիշկնմերի վերահսկողության տակ»,- նշել է գործակալության աղբյուրը:

Նրա խոսքով` Ժարիկովը մահացել է հունվարի 17-ի, լույս 18-ի գիշերը:

Եվգենի Ժարիկովը նկարահանվել է շուրջ 60 ֆիլմերում: Առավել հայտնի է դարձել «3+2» ֆիլմից հետո, որտեղ մարմնավորել է դիվանագետ Վադիմի կերպարը: