Սևանի ճանապարհին մեքենայից ընկած ու մահացած երիտասարդի գործով քրեական գործ է հարուցվել (թարմացված)

Հունվարի 27-ին` կեսգիշերն անց ,Երևան-Սևան ճանապարհին ընթացքի ժամանակ, 22-ամյա Նարեկ Զ.-ն վայր է ընկել Ալվինա Հ.-ի կողմից վարած «Համեր H-2»  մակնիշի ավտոմեքենայի ոտնակի վրայից և ստացած վնասվածքներով տեղափոխվել հիվանդանոց, որտեղ գիտակցության չգալով՝  մահացել է:

Ոստիկանության լրատվական ծառայության փոխանցմամբ` ոստիկանության Կոտայքի քննչական բաժանմունքում հարուցվել է քրեական գործ տրանսպորտի երթևեկության կանոնները խախտելու մեղադրանքով` որն առաջացրել է մարդու մահ: Նման արարքը պատժվում է ազատազրկմամբ` մինչև 5 տարի ժամկետով:

Կատարվում է նախաքննություն: