Epress.am Լուրեր Հայաստանից
«Հայկական ժամանակ» օրաթերթի աղբյուրների պնդմամբ, ԲՀԿ նախագահ Գագիկ Ծառուկյանը փորձում է հասնել նրան, որ ՌԴ նախագահ Վլադիմիր Պուտինը ուղերձով ողջունի շաբաթ օրը մարզահամերգային համալիրում կայանալիք ԲՀԿ համագումարը։
Երեկ թերթը զրուցել է Ծառուկյանի խոսնակ Խաչիկ Գալստյանի հետ, ով նշել է, որ Պուտինի ուղերձի մասին ոչինչ չի կարող ասել:
«Թե «Եդինայա Ռոսիա» կուսակցության ղեկավար կազմից որ անձի անունից ուղերձ կլինի, չգիտեմ, բայց որ կլինի, համոզված եմ», – ասել է Գալստյանը:
Թերթը հիշեցնում է, որ Վլադիմիր Պուտինն ուղերձ էր ուղարկել անցյալ շաբաթ օրը տեղի ունեցած ՀՀԿ համագումարին, որն ընթերցել էր «Եդինայա Ռոսիայի» ներկայացուցիչ Արթուր Չիլինգարովը։