Home / Հայաստան / Եվրատեսիլի ընթացքում գավառական մեքենաները Բաքու չեն մտնի

Եվրատեսիլի ընթացքում գավառական մեքենաները Բաքու չեն մտնի

«Եվրատեսիլ 2012» միջազգային երգի մրցույթին ընդառաջ Ադրբեջանի մայրաքաղաքային իշխանությունները որոշել են միջոցառման անցկացման ընթացքում արգելել շրջաններից մեքենաների մուտքը Բաքու: Մրցույթի կազմակերպիչները 20.000 հյուր են սպասում:

Vesti.az կայքը` հղում կատարելով ամերիկյան WNWI ռադիոյին, գրում է, որ այս միջոցառումները պայմանավորված են Բաքվում մթնոլորտի խիստ աղտոտման հետ. «Եվրոպացի փորձագետները, ինչպես և ադրբեջանցի մասնագետները բազմիցս բարձրաձայնել են այն մասին, որ Բաքվում մթնոլորտի աղտոտման մակարդակը շատ բարձր է արտանետվող գազի պատճառով»:

Մեքենաների քանակը Բաքվում գնալով աճում է: Ադրբեջանի մայրաքաղաքում ամեն մի ընտանիքին գրեթե 2-3 մեքենա է հասնում: Այդպիսի իրադրությունից, իհարկե, ամենաշատը տառապում են քաղաքացիները, որոնք առողջական խնդիրներ ունեն:

WNWI-ը, հղում կատարելով International Research Group Business Insight ընկերության հետազոտությանը, նշում է, որ Ադրբեջանում մինչև 1 մլն մեքենա կա: