ՀՀ ՊՆ զորամասերից մեկում զինվոր է զոհվել. ևս մեկը վիրավոր է

ՀՀ ՊՆ զորամասերից մեկի մարտական դիրքերում այսօր հրազենային մարմնական վնասվածքով հայտնաբերվել է նույն զորամասի պարտադիր ժամկետային զինծառայողներից մեկի դիակը, մեկ այլ զինծառայող ստացել է հրազենային վիրավորում, հաղորդում է  ՀՀ Պաշտպանության նախարարությունը:

Նախարարությունը մահացած և վիրավորված զինվորի անունները, ինչպես նաև դեպքի մասին հավելյալ տեղեկություններ չի հաղորդում:

Փաստի առթիվ ՀՀ ՊՆ քննչական ծառայության վեցերորդ կայազորային քննչական բաժնում հարուցվել է քրեական գործ և կատարվում է նախաքննություն:

Վիրավոր զինծառայողը վիրահատվել է, և նրա կյանքին վտանգ չի սպառնում: