Փոխվենք տեղերով. Մեդվեդևը համաձայնել է գլխավորել «Եդինայա Ռոսիան»

ՌԴ նախագահ Դմիտրի Մեդվեդևը համաձայնել է գլխավորել «Եդինայա Ռոսիա» կուսակցությունը: «Եթե նման առաջարկ լինի, ես չեմ հրաժարվի»,-5 հեռուստաալիքների լրագրողների հետ զրույցում ասել է Մեդվեդևը:

ՌԴ առաջնորդը, ով, հավանաբար, շուտով կղեկավարի կառավարությունը, միաժամանակ պատրաստակամություն է ընդգրկվել «ԵՌ» կուսակցության շարքերում:

Ավելի վաղ կուսակցության նախագահ Վլադիմիր Պուտինը հայտարարել էր, որ կլքի պաշտոնը, երբ դառնա Ռուսաստանի նախագահ (մարտի 4-ին Պուտինը ընտրվեց ՌԴ նախագահ, երդման արարողությունը տեղի կունենա մայիսի 7-ին): Իր փոխարեն նա առաջարկել է նշանակել Մեդվեդևին: Կուսակցությունում հայտարարել են, որ կպաշտպանեն Մեդվեդևի թեկնածությունը:

Ակնկալվում է, որ մայիսի 26-ին Մոսկվայում կայանալիք կուսակցության համագումարին Մեդվեդևին կհաստատեն «Եդինայա Ռոսիա»-ի նախագահի պաշտոնում: