Երևանի կենտրոնում տղամարդը ոտքերը մեխել է փայտին` ի նշան բողոքի. նրան տեղափոխել են հիվանդանոց

Երեկ Գրիգոր Շաքոյան անունով մի քաղաքացի ոտքերը մեխել է փայտին և նստել  Հանրապետության հրապարակում: Նման կերպ քաղաքացին արտահայտել իր բողոքը: Panorama.am-ի հետ զրույցում Շաքոյանը հայտնել է, որ իր բողոքի պատճառն այն է, որ  թեև ազատվել է բանտից մի քանի ամիս առաջ, սակայն նրան անձնագիր չեն տվել, չի կարողանում որևէ տեղ աշխատանքի տեղավորվել:

Քաղաքացին ցույց է տվել հին անձնագիրը, որի վաղեմության ժամկետն արդեն անցել է,  նա ասել է նաև, որ ոչ գրանցում ունի, ոչ տուն, քանի որ եղբայրը տունը վաճառել է, երբ Գրիգորը  7 տարվա ազատազրկում էր կրում:

«Սաղ Երևանը անցնում գնում է, ոչ մեկ ուշագրութուն չի դարձնում: Մարդ ընկնի մեռնի, ոչ մեկի վեջը չի»,- անտարբերությունից բողոքել է Գրիգոր Շաքոյանը:

Բողոք անցկացնող քաղաքացուն շտապ օգնության բժիշկները տեղափոխել են թիվ 1 հիվանդանոց: