Տղամարդկանց գրավում են հիմար, քնկոտ կամ հարբած կանայք. հետազոտություն

ԱՄՆ Տեխաս նահանգի Օստինի համալսարանի հոգեբանները հետազոտություններ են անցկացրել, որոնց արդյունքները վկայում են այն մասին, որ տղամարդկանց ավելի շատ գրավում են հիմար, քնկոտ կամ հարբած թվացող կանայք:

Հետազոտության հեղինակները կարծում են, որ մեկ գիշերվա համար զուգընկերոջ ընտրության հիմքում ընկած է գենետիկորեն տղամարդկանց փոխանցված «հեշտ որսի» բնազդը:

Հետազոտության ընթացքում 76 երիտասարդների առաջարկվել է կանանց նկարները դասավորել ըստ գրավչության աստիճանի: Տղամարդկանց մեծ մասը նախապատվությունը տվել է այն կանանց, ովքեր քնկոտ կամ իներտ են երևում, այլ կերպ ասած, նրանց, ում «դժվար չէ» համոզել, ասված է Evolution and Human Behavior ամսագրում հրապարակված հոդվածում:

Կանանց հասանելիության 88 նախանշանների մեջ տղամարդկանց համար առավել գրավիչ են` կծած շրթունքը, հայացքը ուսի վրայով, հպումը կրծքին, քնած կամ հարբած տեսքը, մարմինն ընդգծող հագուստը, դեմքի հիմար արտահայտությունը, տղամարդկանց ուշադրությունը գրավելու ակնհայտ մտադրությունը: