Epress.am Լուրեր Հայաստանից
Հունիսի 4-ի լույս 5-ի գիշերը, Ադրբեջանի զինված ուժերի ստորաբաժանումները, շարունակելով նախօրեին ձեռնարկած սադրիչ գործողությունը, փորձել են կրկին անգամ խախտել ՀՀ պետական սահմանը, հաղորդում է ՀՀ Պաշտպանության նախարարությունը:
«ՀՀ Տավուշի մարզի Ոսկեպար գյուղի մերձակայքում Ադրբեջանից փորձել է հայկական տարածք ներխուժել 15-20 հոգուց բաղկացած զինված դիվերսիոն խմբավորում:
Հայ դիրքապահների զգոնության շնորհիվ դիվերսիոն խումբը հայտնաբերվել է, և ձեռնարկված հատուկ միջոցառումների արդյունքում խումբը վնասազերծվել է: Ադրբեջանական կողմից, ըստ նախնական տվյալների, կա հինգ զոհ, բազմաթիվ վիրավորներեր: Դիվերսիոն խմբի մյուս անդամներին հաջողվել է փախչել` իրենց հետ տանելով զոհերի դիակները և վիրավորներին: Հայկական կողմից զոհեր և վիրավորներ չկան», – ասված է ՀՀ ՊՆ լրատվական ծառայության կողմից տարածած մամուլի հաղորդագրության մեջ: