Epress.am Լուրեր Հայաստանից
Ազատ առևտրի գոտու մասին պայմանագիրը ուսումնասիրելուց հետո ԱԺ ՀԱԿ խմբակցության պատգամավոր Հրանտ Բագրատյանը լրագրողների հետ հանդիպման ժամանակ ասել է, որ իրենք պայմանագրի վերաբերյալ հարցեր ունեն, որոնք կառավարության կողմից պարզաբանված չեն:
«Գոյություն ունի հարցերի հետևյալ խումը, պայմանագրում ամենուր նշվում է, որ այդ պայմանագրի կնքումը չի խանգարի պայմանագրի անդամ երկրներից որևիցե մեկին ինտեգրվելու այլ մաքսային տարածքներ ևս: Այդպես ասվում է, որովհետև ԱՊՀ-ն մեր ստրատեգիական գործընկերն է, և եթե հնարավոր է այնտեղ լինել և միաժամանակ այլ տեղ՝ խնդրեմ, չխանգարել առևտուրը, բայց պայմանագրում չի լուծված հիմնական հարցը. երբ մենք դառնում ենք պայմանագրի անդամ՝ ի՞նչ մաքսային տարիֆների բազայի վրա է տեղի ունենալու այդ միավորումը: Այս պայմանագրում լուծված չէ տարիֆների հարցը, բայց լուծված են դրանց ձևավորման սկզբունքները: Բանն այն է, որ, ստորագրելով ազատ առևտրի պայմանագիր, պետք է անդրադառնալ այն հարցին, թե ինչ ձևի բացառություններ կան»,- ասել է Հրանտ Բագրատյանը:
Պատգամավորի խոսքով՝ ստացվում է, որ եթե մենք ապրանքը, ենթադրենք, արտահանում ենք Ռուսաստան՝ միևնույն է, մաքսատուրք ենք մուծում: Այսինքն՝ կարծես թե ազատ առևտուրը ստորագրում ենք, բայց ազատ չի, և պայմանագրով Ռուսաստանը, Ուկրաինան,Ղազախստանը կամ Բելառուսը խոսք են տալիս այդ բացառությունները մեր նկատմամբ վերացնել:
«Այսիքն, ևս երեք 4 տարի պայմանգիրը չի բերելու որոշակի արդյունք: Հաջորդը՝ հասկանալի չէ պայմանագիրը ստորագրելուց հետո, որին կհաջորդի մաքսային միությունը, փողերն ո՞ւր են գնալու: Եթե մաքսային միություն է՝ բոլոր տեղերում կլինեն միևնույն գլխարկենրով աշխատողներ, էդ փողերը կենտրոնացված մուտքագրվում են Մոսկվա, հետո գալիս են հանրապետություններ, հենց դա է պատճառը եղել նախանցած տարվա բելառուսական «զայչիկի» ճգնաժամի: Երկիրը միանգամից զրկվեց վալյուտայից և գնաց ճգնաժամի, այսինք՝ այս հարցերը մեր կառավարությունը չի նստել, ձեռները չի քշտել, չի աշխատել, չի հետաքրքրվել, որ այդ հարցերը դներ»,- ասել է Հրանտ Բագրատյանը և հավելել, որ, իր կարծիքով, այս վիճակով այս պայմանագիրը չի կարելի վավերացնել: