ՄԹ Եվրոպայի հարցերով պետնախարարը կայցելի Հայաստան

Միացյալ Թագավորության Արտաքին գործերի և համագործակցության երկրների նախարարության Եվրոպայի հարցերով պետնախարար Դեյվիդ Լիդինգթոնը 2012թ. սեպտեմբերի 18-19 պաշտոնական այցով կլինի Հայաստանում:

Ինչպես հայտնում են Հայաստանում Մեծ Բրիտանիայի դեսպանատնից, պետնախարարը հանդիպումներ կունենա ՀՀ նախագահ Սերժ Սարգսյանի, ՀՀ վարչապետ Տիգրան Սարգսյանի և ՀՀ Արտաքին գործերի նախարար Էդվարդ Նալբանդյանի հետ:

2012-ին նշվում է հայ-բրիտանական դիվանագիտական հարաբերությունների 20-ամյակը, ուստի քննարկումների առարկան լինելու է երկկողմ հարաբերությունների, տնտեսական համագործակցության, Հայաստան-ԵՄ Ասոցացման համաձայնագրի բանակցությունների շուրջ, ինչպես նաև տեսակետներ կփոխանակվեն տարածաշրջանային ու միջազգային խնդիրների վերաբերյալ: