«Սենդի» փոթորիկի զոհերի թիվն աճում է

Հյուսիսային Ամերիկայում և Կարիբյան ավազանում մոլեգնող «Սենդի» փոթորիկը հոկտեմբերի 30-ի դրությամբ միայն ԱՄՆ-ում 42 մարդու կյանք է խլել: Ընդհանուր առմամբ, ամբողջ տարածաշրջանում փոթորիկի հետևանքով 110 մարդ է մահացել, տեղեկացնում է AFP-ն:

Նյու Յորքում զոհվածների թիվը հասել է 18-ի: Ինչպես հաղորդել է քաղաքապետ Մայքլ Բլումբերգը զոհերի թիվը կարող է աճել: Այս պահին քաղաքում փրկարարական գործողությունները շարունակվում են:

ԱՄՆ-ում փոթորիկի ազդեցությունն իրենց վրա են կրել 50 միլիոն մարդ 11 նահանգներում: