Փաստաբանի դիակը գտել են ռեստորանում՝ բռնության հետքերով

Նոյեմբերի 18-ին, ժամը 22.45-ին, «Շտապօգնության» կայանից ոստիկանության Գուգարքի բաժնում  հաղորդում է ստացվել, որ Լոռու մարզի Շահումյան գյուղի ռեստորանում դիակ կա:

Ոստիկանները նշված վայրում հայտնաբերել են Երևանի բնակիչ, ՀՀ Փաստաբանների պալատի անդամ, 49-ամյա Սամվել Շարբաթյանի  դիակը` բռնության հետքերով:

Ոստիկանության լրատվական ծառայության հաղորդմամբ՝ նշանակվել է դատաբժշկական փորձաքննություն: Հարուցվել է քրեական գործ: