Home / Հայաստան / «Որոշումն իմ մեջ կայացրել եմ». Գագիկ Ծառուկյանը՝ առաջադրվելու մասին

«Որոշումն իմ մեջ կայացրել եմ». Գագիկ Ծառուկյանը՝ առաջադրվելու մասին

«Բարգավաճ Հայաստան» կուսակցության ղեկավար Գագիկ Ծառուկյանը նախագահական ընտրություններին առաջադրվելու վերաբերյալ իր մեջ որոշումն արդեն կայացրել եմ: Այլ հարց է, որ քանի դեռ ընտրական օրենսդրությունը թույլ է տալիս այն չհրապարակել, նա օգտվում է այդ հնարավորությունից: Այս մասին Ծառուկյանն ասել է Zham.am-ի հետ զրույցում:

«Սա նաև օպտիմալ ժամանակահատված է՝ կուսակցական ընկերների և քաղաքական դաշտում գործընկեր կուսակցությունների կարծիքները և առաջարկները լսելու համար», – ասել է ԲՀԿ ղեկավարը:

Հարցին, թե վերջնական խոսքի ուշացման դեպքում ժամանակը կարող է իր դեմ կամ իր օգտին աշխատել, Ծառուկյանը պատասխանել է. «Ժամանակը, դեմ կամ կողմ աշխատելուց բացի, ունի նաև այլ կարեւոր հատկանիշներ: Ժամանակը պահանջում է նաև համբերություն և ճշգրիտ, հաշվարկված որոշումներ կայացնելու անհրաժեշտություն»:

Հիշեցնենք, որ ԲՀԿ-ական պատգամավոր, ՀՀ նախկին արտգործնախարար Վարդան Օսկանյանը երեկ Facebook սոցիալական ցանցի իր էջում գրել էր, որ «Բարգավաճ Հայաստան» կուսակցության ակտիվ անդամները գտնում են, որ ԲՀԿ-ն նախագահական ընտրություններին պետք է մասնակցի սեփական թեկնածուով և այդ թեկնածուն պետք է լինի կուսակցության առաջնորդ Գագիկ Ծառուկյանը:

Այսօր ԱԺ-ի մոտ կայացած ակցիայի ժամանակ Օսկանյանը հայտարարել էր, որ ընդդիմադիր ուժերը, հնարավոր է, հանդես գան միասնական թեկնածուով: