Epress.am Լուրեր Հայաստանից
ՀՀ նախագահ Սերժ Սարգսյանի հրավերով Հայաստան կժամանի Եվրոպական հանձնաժողովի նախագահ Ժոզե Մանուել Բարոզուն, ով հանդիպումներ կունենա Հանրապետության բարձրագույն ղեկավարության՝ Սերժ Սարգսյանի, Ազգային ժողովի նախագահ Հովիկ Աբրահամյանի, ՀՀ վարչապետ Տիգրան Սարգսյանի հետ:
Ինչպես հաղորդում է ՀՀ նախագահի մամուլի գրասնեյակը, Բարոզուի և Սարգսյանի հանդիպման ընթացքում կողմերն անդրադառնալու են երկուստեք հետաքրքրություն ներկայացնող հարցերի լայն շրջանակի, այդ թվում՝ Հայաստան-Եվրամիություն համագործակցության օրակարգին, տարածաշրջանային հիմնախնդիրներին:
Սերժ Սարգսյանը և Ժոզե Մանուել Բարոզուն բանակցությունների արդյունքներով դեկտեմբերի 1-ին հանդես կգան համատեղ մամուլի ասուլիսով:
Երևանում Եվրոպական հանձնաժողովի նախագահը կմասնակցի Եվրոպական ժողովրդական կուսակցության Արևելյան գործընկերության առաջնորդների գագաթնաժողովին, հանդիպում կունենա քաղաքացիական հասարակության ներկայացուցիչների հետ: