ԱԱԾ-ն ստացել է Հայրիկյանի դեմ մահափորձի գործով փորձագետի եզրակացությունը

Պարույր Հայրիկյանի դեմ մահափորձ իրականացնելու գործով քրեական վարույթն իրականացնող մարմինը ստացել է փորձագետի  եզրակացությունն առ այն, որ դեպքի վայրում գտնված և վիրահատության արդյունքում Պարույր  Հայրիկյանի  մարմնից հանված գնդակներն արձակվել են «Նագան» տեսակի թմբուկավոր  ատրճանակից: Այս մասին ասված է ԱԱԾ-ի տարածած հաղորդագրության մեջ:

Հիշեցնենք, որ ԱԱԾ-ն այդ ատրճանակը հայտնաբերել էր մահափորձ կատարելու մեղադրանքով ձերբակալվածներից մեկի՝ Խաչատուր Պողոսյանի տանը: