Նախկին փեսան մտել է կնոջ ննջասենյակ, քաշքշել նրան ու գողացել հեռախոսը

Փետրվարի 10-ին, ժամը 04.50-ին, ոստիկանության Մեղրիի բաժնում  Սյունիքի մարզի Լեհվազ գյուղի մի բնակչից  ահազանգ է ստացվել, որ նախկին փեսան` 34-ամյա Տիգրան Գ.-ն,  նույն օրը, ժամը 04.30-ի սահմաններում, մտել է տուն, ծեծի է ենթարկել իրեն և դստերը ու հափշտակելով վերջինիս բջջային հեռախոսը` դիմել է փախուստի:

Պարզվել է, որ նույն օրը, ժամը 04.30-ի սահմաններում Տիգրան Գ.-ն ցանկապատի վրայից մտել է Լեհվազ գյուղի հիշյալ բնակչի տուն և կնոջ ննջասենյակում քաշքշել և բռնի կերպով ձեռքից հափշտակել է բջջային հեռախոսն ու դիմել փախուստի, որից հետո կնոջ հայրը զանգահարել է Տիգրան Գ.-ին և պահանջել վերադարձնել հեռախոսը:

Նույն օրը, ժամը 04.45-ին, Տիգրան Գ.-ն վերադարձել է նշված տուն, վիճաբանել տանտիրոջ հետ, բռունցքով հարվածներ է հասցրել  նրա դեմքին և պատճառել վնասվածքներ:

Ոստիկանության լրատվական ծառայության փոխանցմամբ՝ Տիգրան Գ.-ն բերման է ենթարկվել բաժին:

Խուզարկությամբ նրա մոտից հայտնաբերվել է գողավցած բջջային հեռախոսը: Նշանակվել է դատաբժշկական փորձաքննություն:

Կատարվում է նախաքննություն: