ՀՀԿ-ն չեղյալ համարեց հանրահավաքը. մեկնարկին մեկ ժամից քիչ էր մնացել

Հայաստանի Հանրապետական կուսակցությունը չեղյալ է համարել այսօր ժամը 14:00-ին Ազատության հրապարակում նախատեսված հանրահավաքը: Այս մասին հայտարարություն է տարածել ՀՀԿ մամուլի խոսնակ Էդուարդ Շարմազանովը:

Հայտարարությունը տարածվել է հանրահավաքի մեկնարկից մոտ 45 րոպե առաջ:

«Լինելով պատասխանատու քաղաքական ուժ՝ մենք երբեք չենք գնացել և բնականա­բար չենք էլ գնա քայլերի, որոնք կարող են ավելորդ լար­վա­ծություն ստեղծել մեր երկրում: Ցանկու­թյուն չունենալով ակամա մասնա­կիցը դառնալու հակասահմանադրական կոչերով լի արկածա­խնդրու­թյուն­ներին՝ Հայաստանի Հանրապետական կուսակցությունը հրա­ժար­վում է Ազա­­տության հրապարակում վաղօրոք նախատեսված իր միջո­ցառումից: Վստահ  ենք, որ շատ շուտով մեր ժողովրդի համար խորհրդա­նշական այդ վայրում բոլորս միասին կտոնենք ազատության և ժողովրդա­վարության այն հաղթանակը, որը մենք գրանցեցինք մեր երկրում 2013 թվա­կանի նախա­գահական ընտրությունների ժամանակ», – ասված է հայտարարության մեջ: