Home / Հայաստան / Պարույր Հայրիկյանը Րաֆֆի Հովհաննիսյանի հետ կապված ծրագրեր չունի

Պարույր Հայրիկյանը Րաֆֆի Հովհաննիսյանի հետ կապված ծրագրեր չունի

ՀՀ նախագահի նախկին թեկնածու, ԱԻՄ նախագահ Պարույր Հայրիկյանը «Ժառանգության» առաջնորդ Րաֆֆի Հովհաննիսյանի հետ կապված ծրագրեր չունի: Նրա խոսքով՝  «ընդհանուր Հայաստանի հետ կապված ծրագրեր» կան, որոնք առայժմ պահում են իրենց համար: Այս մասին Հայրիկյանն ասել է՝ պատասխանելով  Epress.am-ի այն հարցին՝ արդյո՞ք ինքը կամ իր համակիրները պատրաստվում են այցելել մարտի 10-ից Ազատության հրապարակում հացադուլ հայտարարած Հովհաննիսյանին:

Հայրիկյանը նաև նշել է, որ այս պահին ինքը դեռևս գտնվում է հիվանդանոցում ու փորձում է ապաքինվել:

«Բուժման նախնական փուլում եմ ու լավ եմ զգում՝ նայած երբ: Դեռ իսկական բուժում չեն սկսել, թեև բուժման փուլ անցնում եմ, սակայն դեռ ապաքինում չի սկսվել», -եզրափակել է Հայրիկյանը: