Բրիտանիայի դեսպանատունը արքայազն Չարլզի այցի վերաբերյալ տեղեկատվություն չունի

Մեծ Բրիտանիայի դեսպանատունը պաշտոնական տեղեկատվություն չունի արքայազն Չարլզի՝ Հայաստան կատարելիք այցի մասին: Այս մասին Epress.am-ին հայտնել են դեսպանատան մամուլի ծառայությունից:

Արքայազն Չարլզի՝ մայիսի վերջին կայանալիք այցի մասին այսօրվա համարում գրել էր «Ժամանակ» օրաթերթը՝ նշելով, որ թագավորական ընտանիքի ներկայացուցչի այցը կազմակերպում է ՀՀ նախկին վարչապետ Արմեն Սարգսյանը:

Թերթը նշել էր, որ Չարլզի արարողակարգի աշխատակիցներն արդեն Երևանում են:

Դեսպանատնից Epress.am-ին ասել են, որ տեղեկտվություն ունենալու դեպքում իրենք անմիջապես կտեղեկացնեն ԶԼՄ-ներին: