«Կոկա-կոլա»-ն ներկրում է շաքարավազն ու շշերը. Հայաստանում հարմար գնով որակյալ ապրանք չկա

Գազի գնի բարձրացումը կհանգեցնի «Կոկա-կոլա»-ի կողմից Հայաստանում արտադրվող ըմպելիքների ինքնարժեքի մինչև 1% բարձրացմանը, ինչը, սակայն չի անդրադառնա ապրանքների գնի վրա: Այս մասին լրագրողների հետ հանդիպմանը ասել է «Կոկա-կոլա» ընկերության տնօրեն Գագիկ Դանիելյանը:

Վերջինիս խոսքով՝  գազավորված ըմպելիքի արտադրության համար իրենք ներկրում են գրեթե ամեն ինչ՝ շաքարավազը, հումքը, ապակյա շշերը:

Տնօրենի խոսքով՝  իրենք պատրաստ են շաքարավազը և շշերը գնել տեղական արտադրողից, եթե նրանք առաջարկեն լավորակ ապրանք հարմար գներով, ինչը առայժմ չի արվում:

Դանիելյանն ասել է նաև, որ իրենց արտադրության ծավալները աճում են և այս տարի նախատեսում են Հայաստանում վաճառել 40 միլիոն լիտր զովացուցիչ ըմպելիքներ: