Epress.am Լուրեր Հայաստանից
Այս օրերին ՀՀԿ Երևանի տարածքային կառույցների անդամները հերթով հավաքվում են տարբեր ռեստորաններում՝ հիմնականում «Փարվանա»-ում նշելու ավագանու ընտրություններում ՀՀԿ-ի հաղթանակը, գրում է «Ժողովուրդ» օրաթերթը:
Թերթի աղբյուրները փոխանցում են, որ, բացի ճոխ հյուրասիրությունից, ՀՀԿ-ականները նաև խրախուսանքի են արժանանում:
«Պարզվում է՝ ընտրատեղամասերում ամենաբարձր ցուցանիշներ գրանցած հանրապետականները արժանացել են ընդհուպ մինչև 20-25 հազար դոլար պարգևի», – գրում է թերթը:
«Ժողովուրդ»-ը մեկնաբանությունների համար դիմել է ԱԺ ՀՀԿ խմբակցության քարտուղար Հովհաննես Սահակյանին, որը, սակայն, հերքել է լուրերը. «Սխալ ինֆորմացիա է: Ես չեմ տիրապետում նման լուրերի»:
Թերթը, այնուամենայնիվ, ընդգծում է, որ իրականում նման պարգևներ ստացողներ կան: