Գյուղերում խմելու ջուր չկա, ոռոգում են Հովիկ Աբրահամյանի հողերը. թերթ

Արարատի մարզում ՀՀ ԱԺ նախագահ Հովիկ Աբրահամյանի գերդաստանին պատկանող կալվածքներն ամռան ամիսներին իսկական պատուհաս են դառնում Արարատի մարզի գյուղերի համար, գրում է «Հրապարակ» օրաթերթը:

Ինչպես նախորդ, այնպես էլ այս տարի մարզում խմելու ջրի պակաս կա։ Թերթը նշում է, որ, մասնավորապես, Արմաշ, Սուրենավան գյուղերում արդեն 10 օր է՝ բնակիչները ջուր չունեն, այն մատակարարվում է լավագույն դեպքում շաբաթը 1 անգամ, 30-40 րոպեով։

«Բանն այն է, որ Աբրահամյանների մոտ 100 հեկտար հողերին ոռոգման ջրի ծավալները չեն բավարարում, և այդ նպատակով նաև խմելու ջուրն է օգտագործվում», – եզրափակում է թերթը։