Ադրբեջանցի ակտիվիստը մտադիր է մասնակցել Վրաստանում նախագահական ընտրություններին

Վրաստանի ադրբեջանցիների ազգային ասամբլեայի նախագահ Դաշգին Գյուլմամեդովը մտադիր է մասնակցել Վրաստանում նախագահական ընտրություններին:

Ինչպես հայտնում է Haqqin.az-ը՝ հղում կատարելով վրացական ԶԼՄ-ներին, նրա թեկնածությունն առաջադրել է Երիտասարդ դեմոկրատների նախաձեռնող խումբը:

Պարբերականը հիշեցնում է, որ Վրաստանի ադրբեջանցիների ազգային ասամբլեան պնդում է, որ ադրբեջաներենին տրամադրվի պետական լեզվի կարգավիճակ: Ինքը՝ Գյուլմամեդովը, կարծում է,  որ Վրաստանում բնակչության թվով երկրորդ ազգն այդ իրավունքն ունի:

Վրաստանում նախագահական ընտրությունները տեղի կունենան հոկտեմբերի 27-ին: