Home / Հայաստան / Մխիթարյանի թիմը պարտություն է կրում. փլեյ-օֆ դուրս գալու խնդիրը բարդացել է

Մխիթարյանի թիմը պարտություն է կրում. փլեյ-օֆ դուրս գալու խնդիրը բարդացել է

Նոյեմբերի 6-ին Դորտմունդի «Բորուսիան» սեփական հարկի տակ պարտություն կրեց Լոնդոնի «Արսենալից» և բարդացրեց F խմբից հաջորդ փուլ դուրս գալու իր խնդիրը:

«Բորուսիային» կարող էր ձեռնտու լինել նաև ոչ-ոքին, քանի որ հաջորդ հանդիպումը հիմնական մրցակիցներից մեկի՝ իտալական «Նապոլիի» հետ թիմը սեփական հարկի տակ էր անցկացնելու: «Արսենալը» պարտվելու դեպքում էլ ավելի ծանր վիճակում կհայտնվեր, ու Արսեն Վենգերը զգուշավոր մարտավարություն էր ընտրել՝ հագեցնելով պաշտպանությունը և գրեթե չմտածելով հարձակման մասին: Անգամ այդ պայմաններում «Բորուսիային» հաջողվեց 2-3 պահ ստեղծել մրցակցի դարպասի մոտ: Առաջին խաղակեսում հաշիվը բացելու լավ հնարավորություն ուներ Հենրիխ Մխիթարյանը, սակայն մոտ 18 մետրից կատարած նրա հարվածը շեղ ստացվեց: Երկրորդ կեսում գլխի վտանգավոր հարված կատարեց Մարկո Ռոյսը, սակայն Վոյցեխ Շչեսնին հետ մղեց գնդակը:

«Արսենալն» օգտագործեց իր առաջին իսկ պահը 62-րդ րոպեին: Մեսութ Օզիլը փոխանցում կատարեց տուգանային հրապարակ, որտեղ Օլիվյե Ժիրուն հաղթող դուրս եկավ օդային մենամարտում՝ գնդակը հասցեագրելով Աարոն Ռեմզիին: Վերջինս մոտ տարածությունից գլխի հարվածով բացեց հաշիվը:

Այդ դրվագից հետո Ռեմզին ևս մեկ անգամ վտանգավոր դիրքից հարված կատարեց, բայց Ռոման Վայդենֆելերը փրկեց իր թիմին: Մինչև հանդիպման ավարտը «Բորուսիան» այդպես էլ չկարողացավ կոտրել «Արսենալի» պաշտպանությունը: Հանդիպման վերջին րոպեին Մերտեզակերը քաշեց Լևանդովսկու շապիկից տուգանային հրապարակում, սակայն մրցավարը դա պայքարի մաս համարեց և 11-մետրանոց չնշանակեց:

Խմբի մյուս խաղում «Նապոլին» սեփական հարկի տակ 3:2 հաշվով հաղթեց Մարսելի «Օլիմպիկին»: Այժմ Բորուսիան, հաջորդ փուլում պայքարը շարունակելու հույսեր պահպանելու համար, հաջորդ խաղում պարտավոր է հաղթել «Նապոլիին»:

4-րդ տուրի արդյունքներ, մրցաշարային աղյուսակներ.

A խումբ

Շախտյոր (Ուկրաինա) – Բայեր (Գերմանիա) 0:0

Ռեալ Սոսյեդադ (Իսպանիա) – Մանչեսթեր Յունայթեդ (Անգլիա) 0:0

Ման. Յունայթեդ – 8 միավոր, Բայեր – 7, Շախտյոր – 5, Ռեալ Սոսյեդադ – 1

B խումբ

Յուվենթուս (Իտալիա) – Ռեալ (Իսպանիա) 2:2

Կոպենհագեն (Դանիա) – Գալաթասարայ (Թուրքիա) 1:0

Ռեալ – 10 միավոր, Գալաթասարայ – 4, Կոպենհագեն – 4, Յուվանթուս – 3

Ռեալը դուրս է եկել փլեյ-օֆ փուլ

C խումբ

ՊՍԺ (Ֆրանսիա) – Անդերլեխտ (Բելգիա) 1:1

Օլիմպիակոս (Հունաստան) – Բենֆիկա (Պորտուգալիա) 1:0

ՊՍԺ – 10 միավոր, Օլիմպիակոս – 7, Բենֆիկա – 4, Անդերլեխտ – 1

D Խումբ

Վիկտորիա (Չեխիա) – Բավարիա (Գերմանիա) 0:1

Մանչեսթեր Սիթի (Անգլիա) – ԲԿՄԱ (Ռուսաստան) 5:2

Բավարիա – 12 միավոր, Մանչեսթեր Սիթի – 9, ԲԿՄԱ – 3, Վիկտորիա – 0

Բավարիան և Սիթին դուրս են եկել փլեյ-օֆ փուլ

E խումբ

Չելսի (Անգլիա) – Շալկե 04 (Գերմանիա) 3:0

Բազել (Շվեյցարիա) – Ստյաուա (Ռումինիա) 1:1

Չելսի – 9 միավոր, Շալկե – 6, Բազել – 5, Ստյաուա – 2

F խումբ

Բորուսիա (Գերմանիա) – Արսենալ (Անգլիա) 0:1

Նապոլի (Իտալիա) – Օլիմպիկ (Ֆրանսիա) 3:2

Արսենալ – 9 միավոր, Նապոլի – 9, Բորուսիա – 6, Օլիմպիկ – 0

G խումբ

Ատլետիկո (Իսպանիա) – Աուստրիա (Ավստրիա) 4:0

Զենիթ (Ռուսաստան) – Պորտու (Պորտուգալիա) 1:1

Ատլետիկո – 12 միավոր, Զենիթ – 5, Պորտու – 4, Աուստրիա – 1

Ատլետիկոն հաջորդ փուլ է դուրս եկել

H խումբ

Բարսելոնա – Միլան 3:1

Այաքս – Սելթիկ 1:0

Բարսելոնա – 10 միավոր, Միլան – 5, Այաքս – 4, Սելթիկ – 3

Բարսելոնան  հաջորդ փուլ է դուրս եկել