Epress.am Լուրեր Հայաստանից
ՀՀ օրենսդրությունը չի ապահովում խափանման այլընտրանքային միջոցներ, ինչպիսին են տնային կալանքը, վարչական կալանքը: Դա է պատճառը, որ երբեմն խիստ միջոց է ընտրվում՝ կալանք, և դժգոհություն հարուցում: Այս մասին այսօր ԱԺ-ում, անդրադառնալով Վարդան Պետրոսյանի կալանքի որոշմանը, լրագրողներին ասել է Արդարադատության նախարար Հրայր Թովմասյանը:
Նրա խոսքով՝ այլընտրանքային խափանման միջոցներ նախատեսվում են նոր օրենսդրությամբ:
Թովմասյանը հրաժարվել է գնահատել Վարդան Պետրոսյանին կալանքի տակ վերցնելու քննիչի որոշումը՝ նշելով, որ չի մեկնաբանում այնպիսի որոշումներ, որոնց մասին իր կարծիքի հրապարակումը կարող է դիտվել որպես ճնշում:
«Կալանքը կարող է որոշել քննիչը և դատարանը: Այո, տեսականորեն կարող էր և գրավ կիրառվել, սակայն քննիչը այդպես չի որոշել»,- ասել է Թովմասյանը:
Հիշեցնենք, որ Սերժ Սարգսյանը երեկ դատախազությանը հանձնարարել էր վերանայել Վարդան Պետրոսյանի խափանման միջոցը: