Epress.am Լուրեր Հայաստանից
Transparency International միջազգային կազմակերպության հրապարակած «Կոռուպցիայի ընկալման ցուցիչ» (Corruption Perceptions Index) ամենամյա զեկույցում Հայաստանը զբաղեցրել է 94-րդ տեղը։
«Կոռուպցիայի ընկալման ցուցիչն» արտացոլում է կոռուպցիայի տարածվածության աստիճանը պետական սեկտորում։ Կոռուպցիայի ընկալման ամենաբարձր մակարդակը 0 միավորն է, ամենացածրը՝ 100 միավորը։ Զեկույցը կազմվում է տարատեսակ հարցումների համադրությունից ու հենվում կոռուպցիայի բնագավառի վերաբերյալ տվյալների վրա, որոնք հավաքվում են տարբեր կազմակերպությունների կողմից։
Ամենա ոչ կոռումպացված երկրներն են Դանիան, Նոր Զելանդիան, որոնք 100 միավորից վաստակել են 91 միավոր։ Երրորդ և չորրորդ հորիզոնականները կիսել են Ֆինլանդիան ու Շվեդիան՝ 89-ական միավորով։
Ամենավատ ցուցանիշն են գրանցել Աֆղանստանը, Հյուսիային Կորեան ու Սոմալին, որոնք կիսել են վերջին հորիզոնականը՝ 8-ական միավորով։
Հայաստանը 177 երկրների շարքում զբաղեցրել է 94-րդ հորիզոնականը՝ 36 միավորով (նախորդ տարվա 34-ի փոխարեն)։
Հետխորհրդային երկրներից Էստոնիան 68 միավորով զբաղեցրել է 28-րդ հորիզոնականը, Վրաստանը՝ 49 միավորով, 55-րդ հորիզոնականը, Լատվիան՝ 53 միավորով, 49-րդ հորիզոնականը, Բելառուսը՝ 29 միավորո, 123-րդն է, Ռուսաստանը՝ 28 միավորով՝ 127-րդը, իսկ Ուկրաինան՝ 25 միավորով՝ 144-րդը։
Թուրքիան զեկույցում զբաղեցրել է 53-րդ հորիզոնականը (50 միավոր), Ադրբեջանը՝ 127-րդ (28 միավոր), Իրանը՝ 144-րդ հորիզոնականը (25 միավոր):