Home / Հայաստան / Ջրի խնդիրը․ բնապահպանության նախարարության աշխատակիցներին հարցաքննում են

Ջրի խնդիրը․ բնապահպանության նախարարության աշխատակիցներին հարցաքննում են

ՀՀ բնապահպանության նախարար Արամ Հարությունյանի գլխին սև ամպեր են կուտակվել, քանի որ ՀՀ գլխավոր դատախազությունն ու ոստիկանությունն ակտիվորեն զբաղվում են Արարատյան դաշտավայրը սնուցող ջրային պաշարների հարցով, գրում է «Ժողովուրդ» օրաթերթը։

Թերթի տեղեկություններով՝ նախարարության բազում աշխատակիցներ արդեն հարցաքննվել են։

«Բանն այն է, որ Արարատյան արտեզյան ավազանի ջրային պաշարների վերականգնման չափը տարեկան 1 մլրդ 226 մլն խմ է։ Այսինքն՝ այս քանակից ավել ջուր վերցնելու իրավունք չկա, սակայն Արամ Հարությունյանը, ըստ ամենայնի, նորմայից ավելի շատ ջրօգտագործման թույլտվություններ է հատկացրել, ինչի արդյունքում այսօր տարեկան մոտ 200 մլն խմ ջուր առանց օգտագործվելու լցվում է Արաքս գետը։ 1 մլրդ 200 մլն խմ ջուր էլ ձկնային տնտեսություններն են ծախսում։

Այս անխնա ջրօգտագործումը կարող է հանգեցնել նրան, որ Արմավիրի, Էջմիածնի, Մասիսի, Արտաշատի, Արարատի, Վեդու շրջանների համայնքները ու նաև Երևանը տարիներ հետո, մեղմ ասած, ջրի խնդիր կունենան»,– նշում է թերթը։

Մանրամասները՝ թերթի այսօրվա համարում