Էկոնոմիկայի նախկին նախարարը պաշտոնը զբաղեցնելու ընթացքում աղքատացել է․ «ՉԻ»

Էկոնոմիկայի նախկին նախարար Վահրամ Ավանեսյանը պաշտոնը զբաղեցնելու ընթացքում աղքատացել է, համենայնդեպս այդ մասին են վկայում Բարձրաստիճան անձանց էթիկայի հանձնաժողով ներկայացրած նրա հայտարարագրերը, գրում է «Չորրորդ ինքնիշխանություն» օրաթերթը։

Այսպես, 2013 թվականին՝ նախարար դառնալու պահին, Վահրամ Ավանեսյանը հայտարարագրել էր 5 միլիոն 703 հազար 391 դրամ և 19 հազար 897 դոլար ֆինանսական միջոցներ։ Եկամուտները կազմել են 62 միլիոն 773 հազար 296 դրամ, որից 9 միլիոն 143 հազար 296 դրամը եղել է աշխատավարձը, իսկ մնացած 53 միլիոն 630 հազար դրամը՝ շահաբաժինը, որը գոյացել է քաղաքացիաիրավական պայմանագրերից։ Ավանեսյանը հայտարարագրել էր նաև 30 հազար դրամի համարժեք արժեթղթեր։

«Պարզվում է, որ նախարարի պաշտոնը լրիվ սնանկացրել է Վահրամ Ավանեսյանին, քանի որ պաշտոնից հեռանալու պահին նա մնացել է ձեռնունայն. ինչպես կասեին ռուսները՝ աղքատ ինչպես եկեղեցու մուկը։

Ապրիլ ամսին մեծ կարողության տեր նախկին նախարարը հայտարարագրել է ընդամենը 325 հազար դրամ և 2 հազար 500 դոլար։ Եկամտի տեսքով հայտարարագրվել է միայն 1 միլիոն 223 հազար աշխատավարձ։ Իսկ նախկինում քաղաքացիաիրավական փաստաթղթերից գոյացած շահաբաժնի մասին հայտարարագրում ակնարկ անգամ չկա», – նշում է թերթը։

Հոդվածն ամբողջությամբ՝ թերթի այսօրվա համարում