Epress.am Լուրեր Հայաստանից
Երեկ «Հայկական ժամանակ» օրաթերթի armtimes.com կայքում մի ձայնագրություն է տեղադրվել, որում ԱԱԾ աշխատակից ներկայացած Վլադ Հակոբյան անունով ոմն մեկը սպառնում է «Ժառանգություն» կուսակցության նորընտիր վարչության անդամ և Araratnews.am-ի լրագրող Հրայր Մանուկյանին (լուսանկարում):
Սպառնալիքները հնչում են այն ժամանակ, երբ Հրայր Մանուկյանը հրաժարվում է համագործակցել ԱԱԾ-ի հետ:
Հատվածներ զրույցից․
ԱԱԾ – Բայց ես ասի չէ, որ դա քո գործունեությանը չի խանգարի…
Հ․Մ․ Հասկանում եմ, է դու դա ասում ես…, իշխանությունը օգտագործում է ԱԱԾ-ն։
ԱԱԾ – Դու մտածում ես, որ մենք էնքան խեղճ հիմնարկ ենք, որ ինչ-որ մեկը կարա մեզ օգտագործի՞։
Հ․Մ․ – Այո´, նախագահը շատ լավ օգտագործում է
ԱԱԾ – Սխալվում ես, եթե մենք ինչ-որ մեկին չօգտագործենք, մեզ ոչ ոք չի կարա օգտագործի։
․․․․․․․․․․․․․
ԱԱԾ – Հիշու՞մ ես, քեզ մի քանի անգամ ասի, մեդալը միշտ 2 երես ունի: Ես քեզ մեր նախորդ զրույցի ժամանակ ներկայացրեցի առաջին երեսը, որը ցանկացած գիտակից, լուրջ մարդու համար ընդունելի տարբերակ է, հիմա ուզում ես երկրորդ կողմը ներկայացնե՞մ։
Հ․Մ․ – Ներկայացրու:
ԱԱԾ – Ունե՞ս դրա կարիքը, քեզ պե՞տք ա։
Հ․Մ․ – Ունեմ:
ԱԱԾ – Ես քեզ էն անգամ ասի, դու, ասենք, ո՞նց ես պատկերացնում պետությանը «չէ» ասողը դալշե նույն պետության մեջ, ի՞նչ ա լինելու, ո՞նց է լինելու։
․․․․․․․․․․․․․․․․․․․․
ԱԱԾ – Պատրա՞ստ ես հետևանքներին։
Հ․Մ․ – Այո´, պատրաստ եմ։
ԱԱԾ – Գիտակցու՞մ ես` որոնք են էդ հետևանքները, որ դրանք ոչ միայն քեզ են վերաբերում, դրան պատրա՞ստ ես: Դու, հարց չկա, ասենք, Դանկոն ես, սիրտդ հանել ես՝ անտառում լուսավորելու…
Հ․Մ․ – Չի կարա լինի նենց հետևանք, որ ոչ միայն ինձ վերաբերի, այլև մարդկանց, որոնք որ իմ հարազատներն են ու բարեկամները, կարող ա ինձ վերաբերող բաներ շատ լինի։
ԱԱԾ – Կարող ա չի, շատ ա, շատ-շատ ա, հիմա ես քեզ զարմացնելու համար հերթով չասեմ, բայց իմացի, որ շատ քիչ բան կա, որ ես չգիտեմ։
Հ․Մ․ – Բոլոր դրանցով հանդերձ իմ պատասխանը «չէ» է։
ԱԱԾ – Մեզ «չէ» չեն ասում: Ես քեզ դալշե մոտավոր չեմ ուզում բացատրեմ «չէ»-ի հետևանքները: Դու հասկանու՞մ ես, հիմա ես քեզ ամենաչնչինն ասեմ, իմ վրա դրված է էն հարցը, որ ես որոշեմ` քեզ Չեխիա թողնե՞մ, թե՞ չէ:
Հ․Մ․ – Ձև չունես։
ԱԱԾ – Ոնց չունե՞մ, այ ստեղ ինֆորմացիայի պակաս ունես, ձև, գիտե՞ս ես ինչքան ունեմ:
Հ․Մ․ – Նայի, անգամ եթե դու դրա ձևը ունենաս, ես էն ձևի մարդ եմ, որ տակից դուրս կգամ։
ԱԱԾ – Կգաս ասենք, 90-95 տոկոս կորուստներով, չվերականգնվող… բա որ Չեխիան փոշմանի՞։
Հ․Մ․ – Չեխիան չի փոշմանի։
․․․․․․․․․․․․․․․․․․․․․․․․․․․․
Հ․Մ․ – Թող հանգիստ գնամ ես Չեխիա, կուսակցությունից էլ դուրս կգամ…
ԱԱԾ – Կուսակցությունից էլ չես հասցնի դուրս գալ, Չեխիան էդքան էլ հանգիստ չես գնա, մարդ ես, կարող ա` էդքան էլ երկար չմնաս:
Հ․Մ․ – Ես պատրաստ եմ։
ԱԱԾ – Ընտանիքիդ անդամներն է՞լ են պատրաստ
Հ․Մ․ – Պատրաստ են…
ԱԱԾ – Սկսած գործնականից վերջացրած անձնականո՞վ։
Հ․Մ․ – Այո։
ԱԱԾ – Խիստ կասկածում եմ, ինչքան ես գիտեմ` դժվար իրանք ամեն ինչին պատրաստ լինեն։
Հ․Մ – Պատրաստ չեն՝ պատրաստ կլինեն։
ԱԱԾ – Պատրաստ չեն, ծնողներ են վերջ ի վերջո, ոչ մեկ չի կարա պատրաստ լինի, դու քեզ գերագնահատում ես։
Հ․Մ․ – Չէ, մեկ ա, պատասխանը «չէ» է, ինչ ուզում եք արեք, ինչի ուզում եք` գնացեք:
ԱԱԾ – Ես քո համար էսքան վիզ դրեցի, էլի գնացիր էն ճամփով: Հիշի, հետո իրարից նեղանալ չլինի, փոշմանել, հետ դարձի ճանապարհ չունես, եթե քո որոշումը վերջնական է։
Հ․Մ․ – Վերջնական է… ես գնամ, հուսով եմ` ինձանից կհրաժարվեք վերջնականապես։
ԱԱԾ – Հրայր ջան, դու երկրից ես հրաժարվում։
Հ․Մ․ – Դե եթե համարում եք, որ երկիրց հրաժարվում եմ՝ Դուք էլ ինձանից հրաժարվեք:
Սղագրությունն ամբողջությամբ՝ սկզբնաղբյուր կայքում