Home / Հայաստան / Ղարաբաղի հարցում փոխզիջումները կուժեղացնեին Ադրբեջանը․ դե Վաալ

Ղարաբաղի հարցում փոխզիջումները կուժեղացնեին Ադրբեջանը․ դե Վաալ

Փոխզիջումների հիման վրա խաղաղության ձեռքբերումն Ադրբեջանին կդարձներ կարևոր ռազմավարական միջանցք Արևմուտքի ու Արևելքի միջև։ Այս մասին «Ամերիկայի ձայն»֊ի հետ զրույցում հայտարարել է «Քարնեգի» կենտրոնի՝ Կովկասի հարցերով փորձագետ Թոմաս դե Վաալը։ Նրա խոսքով՝ փոխզիջման գալը բարդ է․ «Սակայն կվերադարձվեն հողեր, փախստականները կվերադառնան իրենց տները։ Նման ելքը կուժեղացներ Ադրբեջանը»։

«Փոխզիջումները բանակցային սեղանին են։ Ադրբեջանը հետ է ստանում Լեռնային Ղարաբաղին հարակից 7 շրջանները՝ բացառությամբ Լաչինի միջանցքի։

Լեռնային Ղարաբաղի հայերին տրվում է ինքնավարության իրավունք։ Շրջանի վերջնական կարգավիճակը երկար ժամանակ մնում է անորոշ, ու 20֊30 տարի անց անցկացվում է հանրաքվե։ Այդ ընթացքում Ադրբեջանն ու Հայաստանը հարաբերություններ են հաստատում։

Ադրբեջանը կարող է Հայաստանի նկատմամբ «մեղմ ուժ» կիրառել։ Մարդիկ կվերադառնան հայրենի վայրեր։ Կբարելավվի անվտանգության իրադրությունը։ Կբարելավվի կյանքը։

Ադրբեջանը չի ստանա այն ամենը, ինչ ուզում է, օրինակ, հնարավոր է՝ Խանքենդիում (Ստեփանակերտ ֊ Epress.am) չբարձրացվի Ադրբեջանի դրոշը: Բայց մնացած ամեն ինչ կլինի»,֊ նշել է դե Վաալը։