ՀՀ զինված ուժերի խումբը տեսչություն է անցկացնում Թուրքիայում

Նոյեմբերի 26-ից 28-ը Եվրոպայում սովորական զինված ուժերի (ԵՍԶՈՒ) մասին պայմանագրի շրջանակներում Հայաստանի զինված ուժերի տեսչական խումբը «Հայտարարված վայրի» տեսչություն է անցկացնում Թուրքիայի տարածքում, հայտնում է ՀՀ պաշտպանության նախարարությունը:

Տեսչության ընթացքում ճշգրտվելու են ՀՀ֊ի հետ սահմանակից զորամասերի հայտարարված աշխարհագրական կոորդինատներն ու սխեմաները, ստուգվելու են պայմանագրով սահմանափակվող տեխնիկայի և սպառազինության (մարտական տանկեր, մարտական զրահապատ մեքենաներ, հրետանի) քանակը և դրանց առկայությունը հսկողության օբյեկտներում, դիտարկվելու են զորամասերի սահմանագոտիները և ընդհանուր տարածքները: