Home / Հայաստան / ՀՀ զինված ուժերը թույլատրել են ադրբեջանցի զինծառայողի դիակը հանել միջդիրքային տարածքից․ ՊՆ խոսնակ

ՀՀ զինված ուժերը թույլատրել են ադրբեջանցի զինծառայողի դիակը հանել միջդիրքային տարածքից․ ՊՆ խոսնակ

Հայ-ադրբեջանական սահմանին երեկ դիվերսիոն առաջխաղացում է կասեցվել, որի հետևանքով սպանվել է ադրբեջանական բանակի զինծառայող։ Այս մասին երեկ «Ֆեյսբուք» սոցիալական ցանցի իր էջում գրել է ՀՀ ՊՆ մամուլի խոսնակ Արծրուն Հովհաննիսյանը։

Ըստ ՀՀ ՊՆ ներկայացուցչի՝ դիվերսիոն փորձն իրականացվել է Տավուշի մարզի Բաղանիս գյուղի հատվածում, դիվերսիոն խմբի գործողությունները չեզոքացվել են, իսկ հակառակորդի դիվերսիոն խմբի մեկ անդամի դիակը մնացել է միջդիրքային տարածքում:

Փոխհրաձգության ընթաքցում զոհվել է նաև տարածքում գտնվող 79-ամյա հովիվ Սերյոժա Սարգսյանը:

Այսօր Արծրուն Հովհաննիսյանը Epress.am-ին հայտնել է, որ հայկական կողմը թույլատրել է ադրբեջանցիներին միջդիրքային տարածքից հանել դիակը:

Ադրբեջանի ՊՆ մամուլի խոսնակ Վագիֆ Դերգյահլին ադրբեջանական ԶԼՄ֊ների հետ զրույցում հերքել է զոհված ադրբեջանցի զինծառայողի մասին տեղեկատվությունը։