Epress.am Լուրեր Հայաստանից
Հայաստանում գործող հանքարդյունաբերական մի քանի ձեռնարկություններ մտադիր են մինչև տարվա վերջ ժամանակավորապես դադարեցնել գունավոր մետաղների հանքաքարերի արդյունահանումը, գրում է «Հայկական ժամանակ» օրաթերթը՝ հղում կատարելով ՀՀ էկոնոմիկայի նախարարության իր աղբյուրներին։
Պատճառը համաշխարհային շուկայում գունավոր մետաղների և, առաջին հերթին, պղնձի գնի շարունակական նվազումն է։ Խոսքը վերաբերում է համեմատաբար փոքր հանքարդյունահանողներին, որոնք ավելի զգայուն են մետաղների գների նկատմամբ և պղնձի գնի մի որոշակի մակարդակում նրանց գործունեությունը դառնում է տնտեսապես ոչ շահավետ։
«Այս պահին գործունեությունը դադարեցնելու հստակ մտադրություն հայտնել են երկու հանքարդյունաբերողներ»,– գրում է թերթը՝ չնշելով ընկերությունների անունները։